ՏԵՍԱՆՅՈՒԹ․ 10 ԱԹՍ-ով հարձակում՝ ՌԴ նավթաբազաներից մեկի վրա
Լուգանսկի Ժողովրդական Հանրապետության կառավարությունը հայտնել է Ռովենկի քաղաքի նավթային բազայի վրա տասը անօդաչու թռչող սարքերի հարձակման մասին: Բազայում վառելիքի մեկ ջրամբարում հրդեհ է բռնկվել։ Այժմ հրդեհը մարվել է։
Կառավարության հաղորդագրության մեջ ասվում է, որ ՀՕՊ ուժերը խոցել են նավթաբազային ուղղված 10 անօդաչու թռչող սարքերից 8-ը, մյուս երկուսը «հասել են իրենց նպատակին»:
Նավթաբազան հարձակման է ենթարկվել հոկտեմբերի 12-ի գիշերը։ Տարածաշրջանային ԱԻՆ -ը հրապարակել է Հարձակման վայրում բռնկված հրդեհի կադրերը։ Դրանցում երեւում է, որ վառվել է վառելիքի առնվազն մեկ բաք։ Առավոտյան հրդեհը մարվել է։ Հրդեհաշիջման աշխատանքներին ներգրավվել է 28 հրշեջ և 5 միավոր տեխնիկա:
ԼԺՀ-ի Էներգետիկայի նախարարությունում հայտնել են, որ նավթաբազայում բռնկված հրդեհը չի ազդել Հանրապետությունում վառելիքային ապահովման հետ կապված իրավիճակի վրա, մատակարարումներն իրականացվում են առանց ընդհատումների, Ռովենկիի բոլոր բենզալցակայաններն աշխատում են բնականոն ռեժիմով։ ԼԺՀ-ի տարածքում վառելիքի պաշարը համապատասխանում է պլանայինին։
