ՏԵՍԱՆՅՈՒԹ․ Հրթիռային հարված՝ Օդեսային․ զոհեր կան
Չորս մարդ Է զոհվել Օդեսային ռուսական հարվածի հետևանքով: Այս մասին հայտնել է Օդեսայի մարզի ռազմական վարչակազմի ղեկավար Օլեգ Կիպերը:
Պաշտոնյայի տվյալներով՝ ՌԴ զորքերը հոկտեմբերի 10-ի երեկոյան բալիստիկ հրթիռներով հարվածել են Օդեսայի շրջանի երկհարկանի շենքին։
Զոհվածների թվում են երկու կին, 22-ամյա տղամարդ և 16-ամյա աղջիկ։ Ուկրաինայի արտակարգ իրավիճակների պետական ծառայության աշխատակիցները փլատակներից 4 մարդու են փրկել:
Տասը մարդ վիրավորվել է և վնասվածքներ ստացել։ Նրանցից չորսը հոսպիտալացվել են ծանր վիճակում։ Եվս տասը մարդ տեղում հոգեբանական օգնություն է ստացել։
