Մենք չենք հանդուրժի և թույլ չենք տա կրկնություն. Մակրոն
Ֆրանսիան չի հանդուրժի, որ Իսրայելը կրկին դիտավորյալ հարձակում գործի ՄԱԿ-ի խաղաղապահների վրա Լիբանանում։ Այս մասին հայտարարել է Ֆրանսիայի նախագահ Էմանուել Մակրոնը, փոխանցում է France24-ը։
«Այն ամենը, ինչ տեղի է ունենում Մերձավոր Արևելքում, վճռորոշ ազդեցություն է ունենում ողջ տարածաշրջանի վրա։ Մենք դա դատապարտում ենք, չենք հանդուրժի և թույլ չենք տա, որ նման գործողությունները կրկնվեն»,- ասել է Մակրոնը։
Իր խոսքով` Ֆրանսիան, Իտալիան, Իսպանիան, Հունաստանը, Պորտուգալիան, Խորվաթիան, Սլովենիան, Կիպրոսը և Մալթան հստակորեն պաշտպանել են իրենց դիրքորոշումն այս հարցում, կոչ են արել դադարեցնել ռազմական գործողությունները Գազայի հատվածում և Լիբանանում, ինչպես նաև վերսկսել բանակցությունները՝ արդար և կայուն լուծում գտնելու համար։
