Քաղաքականություն Կարևոր

Արարատ Միրզոյանը` Մերձավոր Արևելքում զարգացող իրադարձությունների մասին

Արարատ Միրզոյանը` Մերձավոր Արևելքում զարգացող իրադարձությունների մասին
Հայաստանը չի կարող խրախուսել կամ ողջունել որևէ էսկալացիա։ Այսօր Վարշավայում անվտանգության ֆորումի շրջանակում անցկացված պանելային քննարկման ժամանակ հայտարարել է ՀՀ ԱԳ նախարար Արարատ Միրզոյանը՝…

Հայաստանը չի կարող խրախուսել կամ ողջունել որևէ էսկալացիա։ Այսօր Վարշավայում անվտանգության ֆորումի շրջանակում անցկացված պանելային քննարկման ժամանակ հայտարարել է ՀՀ ԱԳ նախարար Արարատ Միրզոյանը՝ պատասխանելով այն հարցին, թե արդյոք Հայաստանը մտահոգվա՞ծ է Մերձավոր Արևելքում լարվածության ավելացմամբ։


«Մենք Հայաստանում առավելագույնն ենք անում մեր տարածաշրջանում խաղաղության հասնելու համար։ Այստեղ մենք տեսնում ենք, որ հարևան այլ երկրներ միմյանց հրթիռային հարվածներ են հասցնում, իհարկե, մենք անհանգստացած ենք, իհարկե, մենք չենք կարող խրախուսել կամ ողջունել ցանկացած էսկալացիա»,- նշել է Միրզոյանը։


ՀՀ արտաքին քաղաքական գերատեսչության ղեկավարը հույս է հայտնել, որ այս կոնֆլիկտը լուծում կստանա՝ որքան հնարավոր է շուտ։


Նշենք, որ վերջին օրերին Իսրայելը պարբերաբար հրթիռակոծում է Լիբանանի տարածքը։ Հոկտեմբերի 1-ին Իրանը հրթիռային հարված է հասցրել Իսրայելին։ Առնվազն 400 բալիստիկ հրթիռ է արձակվել իսրայելական ռազմական օբյեկտների ուղղությամբ։


Իսրայելական «9» հեռուստաալիքը, հղում անելով ՑԱԽԱԼ–ին հայտնել է, որ հրթիռային գրոհը հետևանքներ է ունենալու։ ԻՀՊԿ–ն այդ դեպքում ավերիչ պատասխան է խոստացել։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250