ՌԴ-ն աջակցում է Իրանի քաղաքականությանը՝ Ադրբեջանի հետ առևտրային ուղիների և միջանցքների հարցում. Շոյգու
Ռուսաստանի Անվտանգության խորհրդի քարտուղար Սերգեյ Շոյգուն Թեհրան կատարած այցի ընթացքում հանդիպել է Իրանի նախագահ Մասուդ Պեզեշկիանի հետ և փոխանցել ՌԴ նախագահ Վլադիմիր Պուտինի ուղերձը, հաղորդում է IRNA գործակալությունը։
«Թեհրան կատարած այցի ընթացքում Շոյգուն հանդիպել է Իրանի նախագահ Մասուդ Պեզեշկիանի հետ և նրան փոխանցել ռուս գործընկեր Վլադիմիր Պուտինի ուղերձը»,- գրում է գործակալությունը։
Նշվում է, որ Շոյգուն Թեհրանում Իրանի Ազգային անվտանգության բարձրագույն խորհրդի քարտուղար Ալի Աքբար Ահմադիանի հետ բանակցությունների ժամանակ գնահատել է Սանկտ Պետերբուրգում Ահմադիանի հետ նախկինում ձեռք բերված երկկողմ պայմանավորվածությունների իրականացումը։ Բացի այդ, IRNA-ի հրապարակման մեջ ասվում է, որ «Ռուսաստանի Անվտանգության խորհրդի քարտուղարն ընդգծել է, որ իր երկիրն աջակցում է Իրանի քաղաքականությանը՝ Ադրբեջանի հետ առևտրային ուղիների և միջանցքների հարցում»:
