ՏԵՍԱՆՅՈՒԹ. «Ես խնդրում եմ ևս մեկ և, հուսով եմ, վերջին անգամ». Ավինյան

Երեւանի քաղաքապետարանի հերթական գործակարգավարական խորհրդակցության ժամանակ քաղաքապետ Տիգրան Ավինյանին զեկուցվեց, որ փողոցների միջին նորոգման աշխատանքներն ավարտված են Էրեբունի եւ Քանաքեռ-Զեյթուն վարչական շրջաններում. Նոր Նորքում բացի Նելսոն Ստեփանյան փողոցից մնացած բոլորի աշխատանքն ավարտված է: 

Նշվեց, որ Կենտրոն վարչական շրջանում ներկայումս Նար-Դոսի փողոցում կատարվում են ֆրեզավորման, լյուկերի նիշերի բարձրացման աշխատանքներ, Ավանում Բաբաջանյան փողոցն է այս պահին ասֆալտապատվում, Մալաթիա-Սբաստիա փողոցն այս պահին ասֆալտապատվում է մասնակի:

Ավինյանն արձագանքեց.

«Ես խնդրում եմ ևս մեկ և, հուսով եմ, վերջին անգամ. այս կոմունիկացիան, թե որ փողոցներում ինչ աշխատանքներ ենք իրականացնելու, օր առաջ ուղարկել մեր գործընկերներին: Ես չեմ ուզում ևս մեկ անգամ մենք արձանագրենք որևէ տեղ աշխատանք, դրանից շատ կարճ ժամանակ հետո՝ քանդում։ Կարելի է այդպես 1-2-3-4-5 անգամ, բայց այդ ամենն ինչն ունի սահման»: