Երևան-Մոսկվա չվերթի ինքնաթիռը հարկադիր վայրէջք է կատարել
Երևանից Մոսկվա չվերթ իրականացնող «Աէրոֆլոտ» ավիաընկերության ինքնաթիռը Երևանի ժամանակով 02:12-ին հարկադիր վայրէջք է կատարել Աստրախանի օդանավակայանում՝ ուղևորի վատ ինքնազգացողության պատճառով: Թռիչքը նախատեսված է Երեւանի ժամանակով 14:00-ին, ՏԱՍՍ-ին հայտնել է Աստրախանի օդանավակայանի ներկայացուցիչ Անաստասիա Գոլոդովան:
Նա մանրամասնել է, որ ուղևորը տեղափոխվել է քաղաքի բուժհաստատություն:
Առողջապահության տարածաշրջանային նախարարության մամուլի ծառայությունից ՏԱՍՍ-ին հայտնել են, որ հոսպիտալացված ուղեւորի մոտ սուր շնչառական վարակների նշաններ են հայտնաբերվել, այդ թվում՝ բարձր ջերմություն: Տղամարդուն տեղափոխել են ինֆեկցիոն հիվանդանոց։
«Սուր շնչառական վարակների նշաններ են հայտնաբերվել նաեւ նույն չվերթի եւս մեկ ուղեւորի մոտ, սակայն նա հրաժարվել է հոսպիտալացումից»,-հավելել են մամուլի ծառայությունում:
