Շախմատային օլիմպիադա. Հայաստանի հավաքականները կրկին հաղթեցին

Բուդապեշտում ընթացող շախմատի համաշխարհային օլիմպիադայի երկրորդ տուրում Հայաստանի կանանց և տղամարդկանց հավաքականները կրկին հաղթեցին:

Կանանց ընտրանին 4:0 հաշվով հաղթեց Մեքսիկային, իսկ տղամարդկանց թիմը` 3:1 հաշվով առավելության հասավ Անդորրայի նկատմամբ: Հայկ Մարտիրոսյանն ու Կարեն Գրիգորյանն իրենց պարտիաներն ավարտեցին հաղթանակով, Շանթ Սարգսյանն ու Ռոբերտ Հովհաննիսյանը ոչ-ոքի խաղացին: