«Ապշած ենք»․ տաքսի ծառայությունը՝ Լիա Զախարյանի հետ կապված սկանդալի մասին
Yandex Go ընկերությունը պարզաբանում է տարածել դերասանուհի Լիա Զախարյանի հետ տեղի ունեցած միջադեպի հետ կապված։
«Մենք նույնպես ապշած ենք կատարվածից, նման պահվածքը բացարձակապես անընդունելի է և խախտում է սպասարկման կանոնները, վարորդն այլևս պատվերներ իրականացնելուց զրկված է:
Մենք ակտիվ կապի մեջ ենք օգտատիրոջ հետ՝ իրավիճակը կարգավորելու և շտկելու նպատակով: Մենք պատրաստ ենք համագործակցել իրավապահ մարմինների հետ հետաքննության շրջանակներում, եթե ուղևորը որոշի դիմել ոստիկանություն»։
Հիշեցնենք՝ դերասանուհի Լիա Զախարյանն իր ինստագրամյան էջում տեսանյութեր է հրապարակել՝ հայտնելով, որ Յանդեքսի տաքսու վարորդը նույնիսկ նշված հասցեով է գացել՝ պահանջելով ավել գումար վճարել։ Տեսանյութում երեւում է, որ վարորդը դիմելով դերասանուհուն ասում է. «Անասուն ես, քեզ ինչ ասեմ, ոչխար»:
Նշենք, որ, ըստ դերասանուհու, միջաեպը տեղի է ունեցել հասցեն փոփոխելու պատճառով։
