ՏԵՍԱՆՅՈՒԹ․ Ահաբեկչnւթյուն՝ Պակիստանում․ սպանվել է 22 մարդ

Պակիստանի հարավ-արևմուտքում ահաբեկչություն է տեղի ունեցել։ Երկրի հարավում տեղի ունեցած ահաբեկչական գործողության մասին հայտնել է Պակիստանի ներքին գործերի նախարար Մոհսին Նաքվին։

Ինչպես տեղեկանում ենք BBC-ից՝ գրոհայինները սպանել են առնվազն 22 մարդու՝ ստիպելով նրանց դուրս գալ մեքենաներից և ստուգել փաստաթղթերը:

Հարձակումը տեղի է ունեցել Բելուջիստան նահանգի մայրուղու վրա, որտեղ անվտանգության ուժերը պայքարում են կրոնական, էթնիկ և անջատողական հողի վրա բռնության դեմ:  Մուսա Հելի շրջանում հարձակումների պատասխանատվությունն իր վրա է վերցրել «Բելուջների ազատագրման բանակ» ռազմականացված խմբավորումը:

Տեղի բարձրաստիճան պաշտոնյաներից մեկը հայտնել է, որ զինյալների թիվը կազմում էր 30-40 մարդ, նրանք կանգնեցրել են 22 ավտոմեքենա։

Նշվում է, որ Փենջաբ մեկնող և դուրս եկող տրանսպորտային միջոցները զննվել են, իսկ Փենջաբի քաղաքացիները ճանաչվել և գնդակահարվել են։