«Իսլամական պետություն» ահաբեկչական կազմակերպությունը ստանձնել է  Գերմանիայի Սոլինգեն քաղաքում տեղի ունեցած դանակով հարձակման պատասխանատվությունը։

 Հարձակումը ենթադրաբար իրականացվել է ահաբեկչական կառույղի անդամներից մեկի կողմից «ի պատասխան Պաղեստինի մուսուլմանների դեմ գործողությունների», հայտնում է Reuters-ը՝ վկայակոչելով ահաբեկչական ռեսուրսները:

Երաժշտական ​​փառատոնի վրա հարձակումը տեղի է ունեցել ուշ գիշերին։ Զինված տղամարդը դանակով սպանել է երեք մարդու, մի քանիսին էլ ծանր վիրավորել։

Ավելի վաղ գերմանական Bild-ը հաղորդել էր, որ ոստիկանության հատուկ ջոկատայինները հատուկ գործողություն են անցկացրել Սոլինգեն քաղաքի փախստականների կացարաններից մեկում՝ կապված քաղաքային փառատոնի այցելուների վրա անհայտ անձի կողմից դանակով հարձակման հետ։ 

 Չհաստատված տեղեկությունների համաձայն՝ իրավապահները բերման են ենթարկել մի սիրիացու։