Սաուդյան Արաբիան անապատի սրտում արհեստական լիճ կստեղծի
Սաուդյան Արաբիայի տարածքային զարգացման NEOM գործակալությունը հայտնում է, որ ներկայումս շարունակական աշխատանքներ են տարվում 2,8 կիլոմետր երկարությամբ արհեստական լիճ ստեղծելու ուղղությամբ։ Այն ստեղծվում է 2029 թվականի Ասիական ձմեռային խաղերի համար՝ «Տրոյեն» հանգստավայրում։
Լիճը գտնվելու է լեռնային տարածքում՝ Աքաբայի ծոցի ափից մոտավորապես 50 կիլոմետր հեռու, 1500-2600 մետր բարձրության վրա։
Բացի արհեստական ջրամբարից, որի մակերեսը խաղերի ժամանակ կվերածվի հսկայական սահադաշտի, մոտակայքում կկառուցվեն շքեղ հյուրանոց, բնակելի տարածք, ռեստորաններ, կոնֆերանսների և այլ միջոցառումների համար նախատեսված սրահներ։
