«Հեզբոլլահ» շարժումը կարող է առաջին հարվածը հասցնել Իսրայելին․ NYT

Լիբանանյան շիական «Հեզբոլլահ» շարժումը կարող է առաջին հարվածը հասցնել Իսրայելին` Իրանի հարվածներից առաջ։ Այս մասին գրում է The New York Times թերթը՝ հղում անելով աղբյուրներին։

Իսրայելում թերթի երկու աղբյուրները և արևմտյան հետախուզության բարձրաստիճան պաշտոնյան հայտարարել են, որ վերջին տեղեկությունների հիման վրա հրեական պետությանը հնարավոր են երկու առանձին հարվածներ: Միաժամանակ, թերթը նշում է, որ հետախուզական տեղեկատվությունը քիչ է, և դրանք հաճախ են փոխվում։

CNN-ը ավելի վաղ հայտարարեց, որ «Հեզբոլլահը» կարող է հարձակում սկսել առաջիկա օրերին։

Politico թերթն էլ, վկայակոչելով ամերիկացի պաշտոնյաներին, ավելի վաղ հայտնել էր, որ Իրանը կարող է վերանայել առաջիկա օրերին Իսրայելի վրա զանգվածային հարձակում իրականացնելու որոշումը՝ ի պատասխան Թեհրանում պաղեստինյան արմատական ​​ՀԱՄԱՍ շարժման քաղբյուրոյի ղեկավար Իսմայիլ Հանիեի սպանությանը։ շ