![Իմ որդին մահացել է. Իլոն Մասկը հայտնել է երեխաների շրջանում տրանսգենդերիզմի քարոզչության պատճառով որդու կորստի մասին](https://auroranews.am/storage/img/base_image/2024-07-25/66a2818bd423d.webp)
Իմ որդին մահացել է. Իլոն Մասկը հայտնել է երեխաների շրջանում տրանսգենդերիզմի քարոզչության պատճառով որդու կորստի մասին
![Իմ որդին մահացել է. Իլոն Մասկը հայտնել է երեխաների շրջանում տրանսգենդերիզմի քարոզչության պատճառով որդու կորստի մասին](https://auroranews.am/storage/img/base_image/2024-07-25/66a2818bd423d.webp)
Ամերիկացի միլիարդատեր Իլոն Մասկը հայտնել է, որ «իր որդին մահացել է» երեխաների շրջանում տրանսգենդերիզմի քարոզչության պատճառով: Միլիարդատերը պատմել է, որ իրեն խաբել են՝ ստորագրելով իր որդու՝ Քսավյերի համար սեռական հասունացման արգելափակումներ սահմանող փաստաթուղթ։ Այս մասին նա խոսել է The Daily Wire-ին տված հարցազրույցում։
Գործարարը պնդում է, որ իրեն բառացիորեն «ստիպել են» ստորագրել այդ միջոցները վերցնելու թույլտվությունը՝ սպառնալով, որ հակառակ դեպքում իր երեխան կարող է ինքնասպան լինել։
Նրա խոսքով, այս ընթացակարգերից հետո իր որդին, որն այժմ հայտնի է Վիվիան Ջեննա Ուիլսոն անունով, ըստ էության «մահացել է», ինչը գործարարին դրդել է ակտիվ պայքարել վոկիզմի գաղափարախոսության դեմ։
«Այն ժամանակ ես ընդհանրապես չէի հասկանում, թե ինչ է կատարվում, մեզ մոտ COVID-19 համաճարակ էր, բոլորը շփոթության մեջ էին։ Սա անհավանական չարիք է, և ես համաձայն եմ, որ այն տարածողները պետք է բանտում լինեն։ Ես խոստացել եմ ոչնչացնել վոկիզմի վիրուսը, և մենք որոշակի առաջընթաց ունենք այս հարցում»,- ասել է Մասկը։
Անցյալ շաբաթ Մասկը հայտարարեց, որ SpaceX-ի և X սոցիալական ցանցի գլխավոր գրասենյակները տեղափոխում է Տեխաս՝ Կալիֆոռնիայի օրենքի պատճառով, որն ուսուցիչներին արգելում է բացահայտել դպրոցականների, ներառյալ նրանց ծնողների գենդերային ինքնությունը: