![Տնային կալանքի տակ գտնվող քաղաքացին դատախազության շենքի մոտ բենզինը լցրել է իր վրա. ինչ է պահանջել․ Armlur](https://auroranews.am/storage/img/base_image/2024-07-15/6694c908b87df.webp)
Տնային կալանքի տակ գտնվող քաղաքացին դատախազության շենքի մոտ բենզինը լցրել է իր վրա. ինչ է պահանջել․ Armlur
![Տնային կալանքի տակ գտնվող քաղաքացին դատախազության շենքի մոտ բենզինը լցրել է իր վրա. ինչ է պահանջել․ Armlur](https://auroranews.am/storage/img/base_image/2024-07-15/6694c908b87df.webp)
Armlur.am-ը հայտնում է՝ շաբաթ օրը ուշագրավ դեպք է եղել Գլխավոր դատախազության մոտ։ Տնային կալանքի տակ գտնվող քաղաքացին, դժգոհ լինելով իր շուրջ կատարվող իրավական գործընթացներից, գնացել է գլխավոր դատախազության շենք ու պահանջել հանդիպում կազմակերպել դատախազի հետ։ Արդյունքում իր հորդորը ու պահանջը չի կատարվել և Գլխավոր դատախազության շենքի մուտքի ընդունարանում նա բենզին է լցրել իր վրա՝ փորձելով ինքնահկրկիզվել, սակայն ոստիկանները կանխել են նրա գործողությունները։
Լրատվամիջոցին հասած լուրերի համաձայն, երբ փրկարար ծառայությունը հասել է դեպքի վայր, ոստիկանությունը քաղաքացու գործողությունները կանխած է եղել։
Լրատվամիջոցը Գլխավոր դատախազությունից փորձեց պարզել, թե ինչ է կատարվել, ի պատասխան հայտնեցին. «Խարդախության համար մեղադրվող, տնային կալանքի տակ գտնվող քաղաքացին ցանկացել է հանդիպել գործը հսկող դատախազին: Ոստիկանը բացատրել է, որ ոչ աշխատանքային օր է ու հորդորել է դիմում թողնել, սակայն քաղաքացին չի ենթարկվել ոստիկանի հորդորին ու բենզինը լցրել է իր վրա՝ ցանկանալով ինքնահրկիզվել, ինչը, սակայն, կանխվել է ոստիկանների կողմից»։