ՏԵՍԱՆՅՈՒԹ․ Մարատ Աճեմյանը հաղթել է ադրբեջանցի մրցակցին և դուրս եկել եզրափակիչ
Հայաստանը ներկայացնող ըմբիշ Մարատ Աճեմյանը հաղթեց ադրբեջանցի Նիջատ Իսգանդարլիին և դուրս եկավ հունահռոմեական ըմբշամարտի Եվրոպայի Մ17 առաջնության եզրափակիչ:
45 կգ քաշային ըմբիշն իր ելույթները մրցումներում սկսեց քառորդ եզրափակիչից, որում բացահայտ առավելությամբ հաղթանակի հասավ նորվեգացի մրցակցի նկատմամբ։
Կիսաեզրափակիչում հայ ըմբիշի մրցակիցը ադրբեջանցի Նիջաթ Իսգանդարլին էր, որը մինչ այս գոտեմարտը երկու հաղթանակ էր տոնել։ Մարատը շատ վստահ անցկացրեց գոտեմարտը, ու եզրափակիչ սուլիչից 1 րոպե 23 վայրկյան առաջ բացահայտ առավելությամբ՝ 8։0 հաշվով հաղթանակի հասավ։ Նա վաղը կգոտեմարտի ոսկե մեդալի համար։
