Իրանի գերագույն առաջնորդ Ալի Խամենեին դիմել է ժողովրդին և կոչ արել
Իրանի գերագույն առաջնորդ Ալի Խամենեին դիմել է ժողովրդին և կոչ արել ակտիվորեն մասնակցել նախագահական ընտրություններում քվեարկությանը։ Ելույթը հեռարձակել է SNN հեռուստաալիքը։
«Բոլոր նրանք, ովքեր շահագրգռված են ուժեղ Իրանով, պետք է մասնակցեն ընտրություններին»,- ասել է Խամենեին։
Վերջինիս խոսքով՝ ընտրություններին բնակչության ակտիվ մասնակցությունը «թշնամուն հաղթելու ուղիներից մեկն է»։ Առաջիկա ընտրությունները, ինչպես նշել է Գերագույն առաջնորդը, կլինեն «փորձություն իրանցիների համար», և ժողովուրդը պետք է բարձր մասնակցություն ցուցաբերի՝ «լռեցնելու բոլոր թերահավատներին»։
Հիշեցնենք` Իրանում արտահերթ նախագահական ընտրությունները նշանակված են հունիսի 28-ին։ Նախագահական մրցարշավին մասնակցելու համար փաստաթղթեր ներկայացրած 80 անձանցից Սահմանադրության պահապանների խորհուրդն ընտրել է ընդամենը 6 թեկնածուի։
