ՀՀ տարածքային կառավարման և ենթակառուցվածքների նախարար Գնել Սանոսյանն այսօր այցելել է Տավուշի մարզ ու հետևել Կիրանցի նոր կառուցվող ճանապարհի և կամրջի շինարարության ընթացքին։ Տեղեկությունը հայտնում է նախարարը ֆեյսբուքյան իր պաշտոնական էջում։ «Աշխատանքներն ակտիվորեն շարունակվում են։ Նախատեսվում է շինարարությունն ավարտել 2 ամսից»,- գրել է նախարարը։

Այցելության ժամանակ նրան ուղեկցել են Տավուշի մարզպետ Հայկ Ղալումյանը, ԱԺ պատգամավոր Վահե Ղալումյանը և Իջևան համայնքի ղեկավար Արթուր Ճաղարյանը։

Պաշտոնյաները ծանոթացել են Կիրանց-Աճարկուտ գործող ճանապարհի հիմնանորոգման աշխատանքներին։

Նշենք, որ մեկ ամիս առաջ կառավարության նիստում ևս հայտարարվել էր, որ նախատեսվում է ճանապարհի կառուցումն ավարտին հասցնել 2 ամսից։