Ֆրանսիայի հավաքականի հարձակվող Կիլիան Մբապեն մասնակցել է 2024 թվականի Եվրոպայի առաջնության ժամանակ կայացած գերմանական «Պադերբորնի» դուբլի հետ ընկերական հանդիպմանը և դարձել երկու գոլի հեղինակ։ Այս մասին հայտնում է RMC Sport-ը։

 Ֆուտբոլիստը վնասվածք ստանալուց հետո առաջին անգամ է խաղադաշտ մտել՝ քթի կոտրվածքով։

 Մբապեն քթի կոտրվածք է ստացել Եվրո-2024-ի առաջին տուրի՝ Ավստրիայի դեմ խաղում։ Նրա համար պատրաստվել է հատուկ դիմակ, որով նա խաղալու է Եվրոյում։ Հունիսի 21-ին կայացած և 0:0 հաշվով ավարտված երկրորդ տուրի Նիդեռլանդների դեմ խաղում հարձակվողը պահեստայինների նստարանին էր տեղավորվել, սակայն խաղադաշտ դուրս չեկավ։

 Առաջին տուրում Ֆրանսիան 1։0 հաշվով հաղթեց Ավստրիային։ 25-ամյա հարձակվողը 85-րդ րոպեին դեմքով բախվել է ավստրիացի պաշտպանի ուսին և ստացել քթի վնասվածք, որից հետո նրան փոխարինել է Օլիվյե Ժիրուն։ Սկզբում լրատվամիջոցները հայտնում էին, որ Մբապեն քթի կոտրվածք ունի և վնասվածքի պատճառով շտապ վիրահատության կարիք կունենա, սակայն ավելի ուշ վիրահատության մասին տեղեկությունը հերքվեց Ֆրանսիայի ֆուտբոլի ֆեդերացիայի կողմից։