![Ղրիմի կամուրջն այլևս ռազմական նշանակություն չունի. Ուկրաինական նավատորմի խոսնակ](https://auroranews.am/storage/img/base_image/2024-06-17/66702a60c3518.webp)
Ղրիմի կամուրջն այլևս ռազմական նշանակություն չունի. Ուկրաինական նավատորմի խոսնակ
![Ղրիմի կամուրջն այլևս ռազմական նշանակություն չունի. Ուկրաինական նավատորմի խոսնակ](https://auroranews.am/storage/img/base_image/2024-06-17/66702a60c3518.webp)
Ուկրաինայի ռազմածովային ուժերի (նավատորմի) խոսնակ Դմիտրի Պլետենչուկն ասել է, որ Ղրիմի կամուրջը ռազմական տեսանկյունից այլևս նշանակություն չունի, և դրա ոչնչացումն անիմաստ է:
«Այն գրեթե չի օգտագործվում ռազմական լոգիստիկայի համար, քանի որ կամրջով անցնում է ընդհանուր բեռի մեկ քառորդից պակասը»,- ասել է խոսնակը:
Պլետենչուկը կարծում է, որ կամուրջն այլևս մարտավարական-ռազմավարական նշանակություն չունի այն վնասներից հետո, որոնք ստացել է Ուկրաինայի անվտանգության ծառայության և ռազմածովային ուժերի համատեղ գործողության արդյունքում՝ անօդաչու թռչող սարքերի հարձակմամբ:
Մայիսի վերջին Ուկրաինայի անվտանգության ծառայությունը ևս մեկ անգամ սպառնացել էր հարձակվել Ղրիմի կամրջի վրա՝ այն անվանելով առաջնահերթ թիրախներից մեկը: Հատուկ ծառայությունը պնդել է, որ իրենք արդեն երկու անգամ հարձակվել են կամրջի վրա, ներառյալ ծովային դրոններով: