Սա իրավունքի ուժով պարտադրված նիստ է և պետք է գումարվի. Արծվիկ Մինասյանը հերքում է ՔՊ-ին
Կառավարության հրաժարականի հարցի քննարկումը և հրավիրված նիստը կայանալու է հունիսի 17-ին ժամը 18:30-ին։ Այս մասին այսօր հայտարարել է ԱԺ պատգամավոր Արծվիկ Մինասյանը` Բաղրամյան պողոտայում:
«Սա իրավունքի ուժով պարտադրված նիստ է և պետք է գումարվի։ Միայն մնում է, որ ՔՊ-ն ունենա կամք և գա այդ նիստին, որպեսզի իրենց հակափաստարկները բերեն այն փաստի շուրջ, որ այս կառավաությունը անելիք չունի և պետք է հեռանա։ Հունիսի 17-ին ժամը 18:30-ին նիստը գումարվելու է»,-ասել է նա:
Մինասյանը նաեւ հայտարարել է, որ պետական-իրավական հարցերի մշտական հանձնաժողովը հակաօրիինական նիստ է անցկացրել, քանի որ ԱԺ նիստին զուգահեռ չեն կարող նիստ հրավիրել, իրենց էլ որեւէ կերպ չեն զգուշացրել, որ նիստ են ացկացնում, սակայն դա ոչ մի ձեւ չի ազդում հունիսի 17-ին` 18:30-ին իրավունքի ուժով գումարվող ԱԺ արտահերթ նիստի վրա:
