Պուտինը շնորհակալություն է հայտնել Թուրքիային ուկրաինական հակամարտության կարգավորմանը նպաստելու ցանկության համար

Ռուսաստանի նախագահ Վլադիմիր Պուտինը շնորհակալություն է հայտնել Թուրքիային ուկրաինական հակամարտության կարգավորմանը նպաստելու ցանկության համար։ Այս մասին նա հայտարարել է Թուրքիայի արտգործնախարար Հաքան Ֆիդանի հետ հանդիպմանը։

«Մենք երախտագիտությամբ ենք արձանագրում մեր թուրք ընկերների տրամադրվածությունը՝ իրենց ներդրումն ունենալու ճգնաժամային իրավիճակների, այդ թվում՝ Ուկրաինայի շուրջ ճգնաժամի կարգավորման գործում», - ասել է Պուտինը։

Պուտինը նաև ասել է, որ ակնկալում է հանդիպել Թուրքիայի առաջնորդ Ռեջեփ Թայիփ Էրդողանի հետ հուլիսին Աստանայում կայանալիք գագաթնաժողովի շրջանակներում։