Պուտինն ակնկալում է Էրդողանի հետ հանդիպում հուլիսի 3-4-ին Աստանայում՝ ՇՀԿ գագաթնաժողովի շրջանակներում
Ռուսաստանի նախագահ Վլադիմիր Պուտինն ակնկալում է հուլիսի 3-4-ը Աստանայում հանդիպել Թուրքիայի նախագահ Ռեջեփ Թայիփ Էրդողանի հետ։
«Հուսով եմ, որ մոտ ապագայում՝ հուլիսին, իմ կարծիքով, 3-4-ին նա պետք է լինի Աստանայում, որքան գիտեմ, միջազգային միջոցառման շրջանակներում, և մենք հնարավորություն կունենանք հանդիպելու և քննարկելու բոլոր ընթացիկ հարցերը»,- ասել է Պուտինը Թուրքիայի արտգործնախարար Հաքան Ֆիդանի հետ հանդիպմանը։
Ռուսաստանի Դաշնության նախագահը խնդրել է լավագույն մաղթանքները փոխանցել իր թուրք գործընկերոջը։
Պուտինը հուլիսի 3-4-ը կայցելի Աստանա, որտեղ կմասնակցի Շանհայի համագործակցության կազմակերպության գագաթնաժողովին։
