ՔՊ պատգամավորները պարտավոր են ենթարկվել ժողովրդի կամքին. Բագրատ Սրբազան
Հունիսի 10-ին Ազգային ժողովի խորհուրդը ժողովրդի որոշմամբ պարտավոր է ընդունել որոշում արտահերթ նիստ հրավիրելու մասին: Այս մասին հանրահավաքի ժամանակ ասել է Բագրատ Գալստանյանը:
«Հունիսի 10-ին Ազգային ժողովի խորհուրդը ժողովրդի որոշմամբ պարտավոր է ընդունել որոշում արտահերթ նիստ հրավիրելու մասին, քաղաքական մեծամասնությունը՝ ՔՊ պատգամավորները, պարտավոր են ենթարկվել ժողովրդի կամքին, գործել անձնական խղճով և համոզմունքով։ Մեր ներկայությամբ մենք նրանց թույլ չենք տալու հերթական հակապետական սխալը գործել»,– ասել է Բագրատ Գալստանյանը:
«Մեր պահանջով՝ ԱԺ ընդդիմադիր պատգամավորները, խմբակցությունները նախաձեռնում են խորհրդարանի նիստ՝ հունիսի 11-ին՝ ժամը 16:30-ին. պահանջը կառավարության հրաժարականն է՝ նոր կառավարություն ձևավորելու օրակարգով»,– ասել է նա:
