Իսրայելցի նախարար Բենի Գանցը հայտարարել է Նեթանյահուի կառավարությունից հեռանալու մասին

Իսրայելցի նախարար և ռազմական գործողությունների նեղ կաբինետի անդամ Բենի Գանցը կիրակի հայտարարել է վարչապետ Բենիամին Նեթանյահուի արտակարգ կառավարությունից դուրս գալու մասին այն բանից հետո, երբ Իսրայելի կառավարությունը չկատարեց մի քանի շաբաթ առաջ նրա վերջնագրի պայմանները, այն է՝ չներկայացրեց հետագա գործողությունների պլանները Գազայի հատվածում։

«Ցավոք, Նեթանյահուն մեզ խանգարում է շարժվել դեպի իրական հաղթանակ, որը կարդարացնի այն ցավալի գինը, որը մենք շարունակում ենք վճարել: Այսպիսով, այսօր մենք լքում ենք արտակարգ իրավիճակների կառավարությունը ծանր, բայց լի սրտով: Այսօր մենք պայքարում ենք Իսրայելի պետության ճակատագրի համար: Ապագա սերունդներին իրական հաղթանակ ապահովելու համար տեղին է միայն, որ աշնանը, աղետի տարելիցին (ՀԱՄԱՍժի՝ հարձակումը Իսրայելի վրա 2023թ. հոկտեմբերի 7-ին - խմբ.), գնանք ընտրությունների, որոնք ի վերջո կստեղծեն կառավարություն, որը կշահի ժողովրդի վստահությունը և կկարողանա լուծել խնդիրները»,- ասել է Գանցը հատուկ ուղերձում։

Գանցը Նեթանյահուին կոչ է արել նշանակել արտահերթ ընտրությունների ամսաթիվ և թույլ չտալ, որ Իսրայելի ժողովուրդը «պառակտվի»։