Բայդենն այս անգամ Ուկրաինան շփոթել է Իրաքի հետ
ԱՄՆ նախագահ Ջո Բայդենը հերթական վրիպակն է թույլ տվել՝ դժգոհելով, որ Իրաքը պետք է շատ երկար սպասի ամերիկյան օգնությանը նկատի ունենալով Ուկրաինային։
«Այն գաղափարը, որ ոմանք ասում են, որ մենք հիմա դարձել ենք կիսամեկուսացված: Ես նկատի ունեմ այն գաղափարը, որ մենք ստիպված էինք սպասել այս բոլոր ամիսներին միայն Իրաքի համար գումար ստանալու համար, ինչը մենք, որովհետև, սպասել էինք: Ես նկատի ունեմ, որ դա պարզ է: Սա այն չէ, ինչ մենք ենք, սա այն չէ, ինչ Ամերիկան է», - ասել է նա լրագրողներին Ֆրանսիա կատարած այցի ավարտին:
Սպիտակ տան կողմից ուղարկված տեքստային հաղորդագրության մեջ «Իրաք» բառի վրա խաչ է քաշված, իսկ փակագծերում ավելացված է «Ուկրաինա»։
Կոնգրեսից վեց ամիս պահանջվեց Սպիտակ տանը 61 միլիարդ դոլար հատկացնելու համար Ուկրաինային օգնությունը շարունակելու նպատակով, ներառյալ զենքի և զինամթերքի մատակարարումը:
81-ամյա Բայդենի հաճախակի ելույթներն ու անհարմար շարժումները նրա քաղաքական ընդդիմախոսներին առիթ են տվել կասկածի տակ դնել նախագահի պաշտոնում երկրորդ ժամկետի համար նրա համապատասխանությունը:
