ՏԵՍԱՆՅՈՒԹ. Էյֆելյան աշտարակը պատրաստ է Օլիմպիական խաղերին
Էյֆելյան աշտարակի վրա հինգ օլիմպիական օղակ են տեղադրել ամառային Օլիմպիական խաղերի նախաշեմին, որոնք կմեկնարկեն Փարիզում 50 օրից:
Վերափոխված աշտարակի ֆոնին առաջինը լուսանկարվել է Փարիզի քաղաքապետ Անն Իդալգոն։
Ֆրանսիայի մայրաքաղաքում կայանալիք Օլիմպիական խաղերի նախաշեմին Էյֆելյան աշտարակ այցելել ցանկացողների հոսքն էլ ավելի է շատացել:
9 մետր տրամագծով օղակները պատրաստված են վերամշակված ֆրանսիական պողպատից։ 30 տոննա քաշով կառույցը ամրացված է Աշտարակի հարավային կողմում, որտեղից տեսարան է բացվում դեպի Սենա։ ԶԼՄ-ները գրում են, որ Փարիզի օլիմպիական օղակները չափերով գերազանցում են 2012-ին Լոնդոնի աշտարակի վրա տեղադրվածներին, սակայն ավելի քիչ են, քան 2020-ին Տոկիոյի Օդայբե բեռնանավի վրա կառուցվածները:
Փարիզի Օլիմպիական խաղերը կանցկացվեն հուլիսի 26-ից օգոստոսի 11-ը:
