Արկտիկայում հայտնաբերվել են հսկա վիրուսներ

Արկտիկայի ծովային սառույցը տագնապալի տեմպերով նվազում է՝ տասնամյակի ընթացքում 13% - ով: Հսկա վիրուսները կարող են կանգնեցնել մոլորակի համար վտանգավոր գործընթացը։

Արկտիկական սառույցներում հսկա վիրուսներ են ապրում: Բայց երկիրը դատապարտված չէ, և մեզ նոր համաճարակ չի սպառնում: Ի հակադրություն, այս հսկա վարակիչ «գործակալները» կարող են օգտակար լինել, մասնավորապես, սառցաշերտի հալումը դանդաղեցնելու համար՝ այդպիսով մեղմելով գլոբալ տաքացման հետևանքներից մեկը:

Այս մասին ասվում է մայիսին Դանիայի Օրհուսի համալսարանի գիտնականների խմբի կողմից Microbiome գիտական ամսագրում հրապարակված ուսումնասիրության մեջ: Նրանք Գրենլանդիայում հայտնաբերել են հսկա վիրուսների առկայություն՝ ենթադրելով, որ դրանք կարող են կարևոր դեր ունենալ սեւ ձյան ջրիմուռների բազմացումը դանդաղեցնելու գործում (Դրանք նպաստում են սառույցի հալվելուն):