Տյումենում անհայտ սեռի երեխա է ծնվել
Բժիշկների տվյալներով դա շատ հազվադեպ ախտորոշում է, բայց իրավիճակը շտկելը, հնարավոր է:
Մեկ տարվա ընթացքում Տյումենի մարզում գրանցվել է անորոշ սեռով երեխայի ծննդյան դեպք. Սա հազվագյուտ գենետիկ մուտացիա է, որի դեպքում մարդու արտաքին և ներքին սեռական օրգանները չեն համապատասխանում ոչ իգական, ոչ արական սեռին: Նման խանգարումով երեխաներ ունենալու պատճառները, որպես կանոն, սեռական գեղձերի տեղադրման գործընթացում ներգրավված մի շարք գեների մուտացիաներն են:
Բնածին արատները երեխաների առողջական վիճակի ամենալուրջ շեղումներից են: Բնածին անոմալիաների հաճախականությունը 2022 թվականի համեմատ աճել է 18,8% — ով, առավել հաճախ շեղումներ են հայտնաբերվում տղաների մոտ, - հայտնել են Տյումենի սանիտարական բժիշկներ:
Ինչ վերաբերում է «սեռի ձևավորման խանգարում» ախտորոշմանը, ապա իրավիճակը շտկվում է վիրաբուժական միջամտությամբ` գենետիկական վերլուծությունից հետո` քրոմոսոմային հավաքածուն հաստատելու և գենետիկական սեռը պարզելու համար: Չափազանց դժվար է կանխատեսել, թե արդյոք այդպիսի երեխան, չափահաս դառնալով, ինքը ծնող կդառնա թե ոչ։
2022 թվականին երեք նորածինների մոտ ախտորոշվել է «սեռի ձևավորման խանգարում»։ 2021 թվականին երկու նման երեխա է ծնվել։ 2020 - ին եղել է միայն մեկ նման դեպք, 2019-ին ՝ երեք այդպիսի երեխա, իսկ 2018 — ին՝ ոչ մի դեպք:
Մի քանի տարի առաջ Տյումենի բժիշկները յուրահատուկ վիրահատություն կատարեցին անորոշ սեռ ունեցող երեխայի համար։ Մեկուկես տարեկան երեխայի մոտ հազվագյուտ հիվանդություն է ախտորոշվել` հիպոսպադիա։ Սա միզասեռական համակարգի ամենաբարդ արատն է։ Վերլուծություններից հետո պարզ է դարձել, որ նորածինն, այնուամենայնիվ, տղա է։ Վերականգնել են նրա սեռական օրգանները, որպեսզի դրանք համապատասխանեն տղամարդու օրգաններին։
