Մակրոնը հայտարարել է, որ Ֆրանսիան Ուկրաինային կործանիչներ կմատակարարի

Հինգշաբթի օրը «Դ» օրվա տոնակատարությունից հետո Ֆրանսիայի նախագահ Էմանուել Մակրոնը հայտարարել է, որ Ֆրանսիան կսկսի Ուկրաինային մատակարարել Mirage 2000-5 կործանիչներ:

Մատակարարումների ծրագիրը կսկսվի ուրբաթ օրը Փարիզում Ուկրաինայի նախագահի հետ համաձայնագրի ստորագրումից հետո: Այդ մասին Մակրոնը հայտարարել է ֆրանսիական ՏՖ1 հեռուստաալիքին տված հարցազրույցում:

Mirage 2000-5 կործանիչը բազմաֆունկցիոնալ ռեակտիվ ինքնաթիռ է, որը սպառազինության մեջ է շուրջ 25 տարի և ունի «օդ - օդ» և «օդ-երկիր» հնարավորություններ: «Միրաժ» կործանիչը Ֆրանսիայի կողմից հաջողությամբ արտահանվում է մի քանի երկրներ և, ընդհանուր առմամբ, ունի նույն հնարավորությունները, ինչ ամերիկյան արտադրության Ֆ-16 կործանիչը:

Մակրոնն ասել է, որ առաջարկել է այս տարվա ամռանից սկսել օդաչուների պատրաստումն այդ օդանավում, Ընդ որում՝ ուսուցումը կտեւի մոտ 6 ամիս: Ֆրանսիան F-16 կործանիչների մատակարարման ծրագրի շրջանակներում արդեն իրականացնում է ուկրաինացի օդաչուների բազային թռիչքային պատրաստությունը:

Ֆրանսիայի նախագահը հայտարարել է, որ հույս ունի ստեղծել երկրների նմանատիպ կոալիցիա, որոնք կարող են Ուկրաինային տրամադրել իրենց սեփական «Միրաժ» ինքնաթիռները: Եվ Հունաստանը, և ԱՄԷ-ն իրենց ռազմաօդային ուժերի սպառազինության մեջ ունեն «Միրաժ 2000-5» ինքնաթիռներ։