Ռուս գործընկերները բավականին լայնածավալ աշխատանք են իրականացնում․ վարչապետ

Երկաթգծի լիարժեք վերականգնման ուղղությամբ ռուս գործընկերները բավականին լայնածավալ աշխատանք են իրականացնում։ Կառավարության այսօրվա նիստում այս մասին ասաց վարչապետ Նիկոլ Փաշինյանը։

«Նոր կամուրջների շինարարության հարցում մենք միջազգային գործընկերների հետ խոսել ենք, հույս ունենք՝ նրանք մեզ աջակցություն կցուցաբերեն»,- ասաց նա։

ԱԳ նախարար Արարատ Միրզոյանն էլ նշեց, որ որոշ գործընկերների մոտ շոշափելի հետաքրքրվածություն կա աղետի հետևանքների վերացմանը նպաստելու հարցում։

«Սպասում ենք կարիքների հստակեցմանը, բայց մի քանի գործընկերներ, իսկապես, հետաքրքրված են ու պատրաստակամ»,- ասաց Միրզոյանը։