Հայտնի է՝ որքան կլինի Մբապեի աշխատավարձը «Ռեալում»

Մադրիդի «Ռեալի» նորաթուխ հարձակվող Կիլիան Մբապեի աշխատավարձը կկազմի տարեկան 30 միլիոն եվրո՝ գումարած բոնուսները խփած գոլերի համար:

ԶԼՄ-ների տվյալներով՝ ֆրանսիացի ֆուտբոլիստը կստանա ստորագրման բոնուս, որը կկազմի առնվազն 50 միլիոն եվրո: Մբապեի պայմանագիրը ներառում է նաև հրաժարագինը՝ 1 մլրդ եվրոյի չափով։

Ընդգծվում է, որ Մբապեին է պատկանելու պատկերների նկատմամբ իրավունքների 70 տոկոսը: «Ռեալին» պատկանելու է 30% -ը։

Հիշեցնենք, որ ֆրանսիացու պայմանագիրը մադրիդյան ակումբի հետ նախատեսված է մինչև 2029 թվականը:

Անցած մրցաշրջանում Մբապեն ՊՍԺ-ի կազմում մասնակցել է 48 հանդիպման, դարձել 44 գոլի և 10 գոլային փոխանցման հեղինակ: Transfermarkt հեղինակավոր կայքը հարձակվողի շուկայական արժեքը գնահատում է 180 միլիոն եվրո:

Մադրիդի «Ռեալը» հաղթեց Իսպանիայի առաջնությունում եւ դարձավ Չեմպիոնների լիգայի հաղթող՝ եզրափակիչում հաղթելով Դորտմունդի «Բորուսիային»: