Իսրայելը կարող է դադարեցնել մարտերը Գազայում 42 օրով. Նեթանյահու
Իսրայելը կարող է համաձայնել՝ 42 օրով դադարեցնելու մարտերը Գազայի հատվածում այնտեղ պահվող պատանդներին ազատելու համար, բայց հետո կշարունակի գործողությունները։ Այս մասին հայտնում է ТАСС-ը` հղում անելով Israel Hayom-ին։
Նշվում է, որ այս մասին Քնեսեթում կայացած հանդիպմանը հայտարարել է Իսրայելի վարչապետ Բենիամին Նեթանյահուն։
Նրա խոսքով՝ Իսրայելը չի կարող դադարեցնել պատերազմը, քանի որ բոլոր թշնամիները հետևում են՝ տեսնելու, թե արդյոք իրենք կհանձնվեն։
«Պատանդներին վերադարձնելու համար մենք կարող ենք 42 օրով դադարեցնել ռազմական գործողությունները, սակայն չենք հրաժարվի լիակատար հաղթանակի հասնելուց»,- ասել է Իսրայելի վարչապետը
