ՏԵՍԱՆՅՈՒԹ. Բաքվին և Երևանին պարտադրում են ստորագրել խաղաղության պայմանագիրը արևմտյան հարթակներում. ՌԴ ՊՆ

Հայաստանին և Ադրբեջանին առաջարկվում է խաղաղության պայմանագիր կնքել բացառապես արևմտյան հարթակներում, պարտադրվում են «միջնորդական» ծառայություններ։ Այս մասին հայտարարել է ՌԴ պաշտպանության նախարար Անդրեյ Բելոուսովը Ղազախստանում ՀԱՊԿ պաշտպանության նախարարների խորհրդի նիստի ժամանակ։

«ՆԱՏՕ-ն ձգտում է ամրապնդել իր դիրքերը Կովկասում, հասանելիություն ստանալ Կասպից ծովի ռեսուրսներին և ուղիղ ելք դեպի Կենտրոնական Ասիա», - ընդգծել է Բելոուսովը:

Նա նաև հայտարարել է, որ Վրաստանին դրդում են ակտիվ հակառուսական գործողությունների․ Արևմուտքը ֆինանսավորում է բողոքի ակցիաները և ապակայունացնում իրավիճակը։

Նախարարը նշել է, որ Կենտրոնական Ասիայի տարածաշրջանում անկայունության գլխավոր աղբյուրը մնում է Աֆղանստանը: