![Կազանի և Նիժնեկամսկի օդանավակայանները ժամանակավորապես դադարեցրել են աշխատանքը. հայտնի է պատճառը](https://auroranews.am/storage/img/base_image/2024-05-31/6659688cbdb34.webp)
Կազանի և Նիժնեկամսկի օդանավակայանները ժամանակավորապես դադարեցրել են աշխատանքը. հայտնի է պատճառը
![Կազանի և Նիժնեկամսկի օդանավակայանները ժամանակավորապես դադարեցրել են աշխատանքը. հայտնի է պատճառը](https://auroranews.am/storage/img/base_image/2024-05-31/6659688cbdb34.webp)
Կազանի և Նիժնեկամսկի օդանավակայաններում ինքնաթիռների ընդունման և ուղարկման ժամանակավոր սահմանափակումներ են մտցվել։ Տեղեկությունը հայտնում է «Ռոսավիացիան»:
«Մայիսի 31–ի առավոտյան քաղաքացիական օդանավերի թռիչքների անվտանգությունն ապահովելու համար Թաթարստանի երկու օդանավակայանների՝ Կազանի և Նիժնեկամսկի աշխատանքի համար ժամանակավոր սահմանափակումներ են մտցվել», – ասված է հաղորդագրության մեջ:
Նշվում է, որ օդանավերի անձնակազմերը, ավիադիսպետչերները և օդանավակայանների ծառայությունները ձեռնարկում են բոլոր անհրաժեշտ միջոցները թռիչքների անվտանգությունն ապահովելու համար:
Կազանի օդանավակայան մեկնող ինքնաթիռները ուղղվել են դեպի Սամարայի պահեստային օդանավակայան։ Կազանի օդանավակայանում 8 չվերթ է հետաձգվել:
Թաթարստանի իշխանությունները հաստատել են, որ որոշ ձեռնարկություններում տարհանում է իրականացվում ԱԹՍ-ների սպառնալիքի պատճառով: Ականատեսների խոսքով` տարածաշրջանում 2 ԱԹՍ է ոչնչացվել։ Տուժածներ չկան։