Միացյալ Նահանգները հակված է թույլ տալ, որ Ուկրաինան ամերիկյան զենքով հարված հասցնի Ռուսաստանի ներսում եղած թիրախներին. WP
Միացյալ Նահանգները Ուկրաինային թույլ կտա օգտագործել իրեն փոխանցված հակաօդային պաշտպանության համակարգերը, այդ թվում՝ Patriot զենիթահրթիռայինը՝ Ռուսաստանի տարածքում հրթիռներն ու կործանիչները ոչնչացնելու համար, եթե դրանք վտանգ են ներկայացնում Ուկրաինայի համար։ Այդ մասին մայիսի 29-ին հայտնել է ամերիկյան The Washington Post (WP) թերթը՝ հղում անելով ԱՄՆ նախագահ Ջո Բայդենի վարչակազմի աղբյուրին։
Միևնույն ժամանակ Վաշինգտոնը, ըստ պարբերականի, անհանգստացած է Կիևի հարձակումներով ռուսական ռադիոտեղորոշիչ կայանների վրա, որոնք միջուկային հրթիռների արձակման նախազգուշացման համակարգի մաս են կազմում։ Սպիտակ տունը մտավախություն ունի, որ այդ կայանների վրա Ուկրաինայի զինված ուժերի հարձակումները կարող են ապակայունացնող ազդեցություն ունենալ, քանի որ այդ օբյեկտները ներգրավված չեն Ուկրաինայի դեմ Ռուսաստանի պատերազմում, և դրանց վրա հարձակումը կարող է «վնասել Վաշինգտոնի և Մոսկվայի միջև ռազմավարական կայունությանը»,- պարզաբանել են աղբյուրները:
