Հայտնի է՝ բողոքի ակցիայի քանի մասնակից է բերման ենթարկվել
Հանրապետության հրապարակից բերման է ենթարկվել 2 անձ, Մյասնիկյան պողոտայից՝ 7 անձ։ Այս մասին հայտնում է ՆԳՆ խոսնակ Նարեկ Սարգսյանը։
Նա տեղեկացրել է, որ Հանրապետության հրապարակից տուգանային հրապարակ է տարվել 6 մեքենա։
Նշենք, որ քիչ առաջ Հանրապետության հրապարակում իրավիճակը լարված էր։ Քաշքշուկ էր սկսվել ոստիկանների ու քաղաքացիների միջև այն բանից հետո, երբ ոստիկանները հորդորել էին «Տավուշը հանուն հայրենիքի» շարժման մասնակիցներին անցնել ճանապարհի երթևեկելի հատված։
