ՌԴ-ից արձագանքել են Մոսկվան և Պեկինը ռմբակոծելու մասին Թրամփի հայտարարությանը

ԱՄՆ նախկին նախագահ Դոնալդ Թրամփի խոսքերն այն մասին, որ նա ռմբակոծելու էր Մոսկվան Ուկրաինա ռուսական զորքեր մտցնելու դեպքում, կարող են պայմանավորված լինել լսարանի սպասումներով, նա պատրաստ է դիմել ցանկացած կարգախոսի, որպեսզի կրկին դառնա նախագահ: Այդ մասին ՌԻԱ Նովոստիին հայտնել Է Պետդումայի պատգամավոր Ալեքսանդր Տոլմաչովը։ 

«Հնարավոր է, որ հանգամանքները, որոնց ժամանակ հնչել են հանդուգն խոսքեր, պայմանավորված են լսարանի սպասումներով։ Դոնալդ Թրամփը հայտնի է իր էպատաժով։ Կտրուկ հայտարարություններով նա արդեն մեկ անգամ հասել է իր երկրի գլխավոր պաշտոնին։ Այսօր նախկին նախագահը միանգամից մի քանի քրեական գործերի ֆիգուրանտ Է և, չեմ բացառում, պատրաստ է դիմել ցանկացած խոստման և կարգախոսի, միայն թե վերադառնա Օվալաձև աշխատասենյակ», - ասել է Տոլմաչովը ։

Ավելի վաղ հայտնել էինք, որ ԱՄՆ նախկին նախագահ Դոնալդ Թրամփը, միջոցառումներից մեկի ժամանակ ելույթ ունենալով հովանավորների հետ, անսպասելիորեն հայտարարել է, որ «ռմբակոծելու էին Մոսկվան», եթե Ուկրաինայում հակամարտությունը սկսվեր իր նախագահության օրոք: Բացի այդ, ԱՄՆ նախկին նախագահը նշել է, որ Չինաստանի կողմից Թայվան զորքեր մտցնելու դեպքում ռմբակոծելու էր Պեկինը։