Այն, ինչ եղավ Հայաստանի գավաթի պարգեւատրման ժամանակ, իմ անձնական դիրքորոշումն է .Վարդան Մինասյան
Հայաստանի գավաթակիր «Արարատ-Արմենիայի» գլխավոր մարզիչ, Հայաստանի հավաքականի նախկին գլխավոր մարզիչ Վարդան Մինասյանը լրագրողների հետ զրույցում ասել է`
Հայաստանի գավաթի պարգեւատրման արարողության ժամանակ տեղի ունեցածը, իմ անձնական դիրքորոշումն է, եւ ես այն չեմ փոխում ,իմ քայլով նոր բան չեմ ասել: Ինձ մի քանի խաղ զրկել են տեխնիկական գոտում լինելու հնարավորությունից, բայց դա ոչ մի ձև չի կարող ազդել իմ դիրքորոշման վրա:
Հայաստանի գավաթիր դառնալուց հետո պարգեւատրման արարողության ժամանակ Վարդան Մինասյանը եւ Արթուր Մկրտչյանը հրաժարվեցին ստանալ իրենց մեդալները, նաեւ չսեղմեցին ՀՖՖ նախագահ Արմեն Մելիքբեկյանի ձեռքը: Այս միջադեպը մեծ արձագանք ունեցավ մամուլում:
«Ակումբը պաշտոնապես գրություն է ուղարկել է ֆեդերացիային, քանի որ պետք է բացատրություն տար, թե ինչու է այդպես եղել: Այնտեղ գրված է, որ ակումբը առանձին է, այսինքն՝ գործնական միշտ շատ լավ հարաբերությունների ունի ֆեդերացիայի հետ, ինչպես ցանկացած ակումբ՝ չհաշված «Փյունիկը»: Այստեղ ոչ մի խնդիր չկա: Սա զուտ իմ անձնական դիրքորոշումն է: Եվ ես մնում եմ իմ արած քայլին հավատարիմ, իմ դիրքորոշմանը: Ես որոշել եմ այդպես անել եւ իմ կարծիքը չի փոխվել այդ հարցում: Գիտեմ, որ 3-4 խաղ ինձ զրկել են տեխնիկական գոտում լինելու հնարավորությունից, բայց դա իմ որոշման, դիրքորոշման վրա որեւէ ազդեցություն չունի: Ես շարունակում եմ մնալ իմ կարծիքին»,- ասաց Վարդան Մինասյանը:
Հիշեցնենք, որ դեկտեմբերի 23-ին տեղի ունեցած ՀՖՖ նախագահի ընտրությունում Վարդան Մինասյանն աջակցում էր Հայաստանի հավաքականի նախկին խաղացող, նախագահի թեկնածու Արաս Օզբիլիզին:
