Մենք պետք է անհապաղ ձեռնամուխ լինենք այս որոշման կատարմանը․ Բորել

Եվրամիության դիվանագիտության ղեկավար Ժոզեպ Բորելը ողջունում է ԵՄ Խորհրդի կողմից Ուկրաինային ռազմական օգնություն ցուցաբերելու համար Ռուսաստանի սառեցված ակտիվներից ստացված շահույթն օգտագործելու մասին որոշման հաստատումը և Բրյուսելին կոչ է անում անհապաղ սկսել դրա իրականացումը:

«Ես հատկապես ողջունում եմ խորհրդի կարևոր և հրատապ որոշումը՝ օգտագործել ռուսական անշարժացված ակտիվներից չնախատեսված եկամուտներն ի շահ Ուկրաինայի։ Իմ առաջարկներին համապատասխան՝ 90 տոկոսը ռազմական օգնության կգնա խաղաղության եվրոպական հիմնադրամի միջոցով։ Մենք պետք է անհապաղ ձեռնամուխ լինենք (այս որոշման) կատարմանը», - գրել է նա X-ում: