Բերման են ենթարկել «Էջմիածին» դաշինքի անդամներին․ «Հրապարակ»

«Հրապարակ»-ը գրում է․ 

«Քիչ առաջ «Էջմիածին» դաշինքի անդամներին բերման են ենթարկել ոստիկանության բաժին: 

Խմբակցության ղեկավար Սեւակ Խաչատրյանը «Հրապարակ»-ին ասել էր, որ պատրաստվում են «սուրճ խմել» Նիկոլ Փաշինյանի հետ, որ այսօր աշխատանքային այցով լինելու է Վաղարշապատում: 

Փաշինյանը այցելելու է 7-րդ դպրոց: Մինչ նրա ժամանումը քաղաքացիներն ու ընդդիմադիր ավագանու անդամները դեպքի վայրում էին, դեռեւս որեւէ գործողություն չարած ոստիկանությունը բերման է ենթարկում ավագանու անդամներին»:

Հիշեցնենք՝ ավելի վաղ հայտնել էինք, որ Ոստիկանությունը վաղ առավոտյան Էջմիածնից բողոքի ցույցի պոտենցիալ մասնակիցների է բերման ենթարկել՝ Նիկոլ Փաշինյանի այցը դպրոց չխափանելու համար։