ՏԵՍԱՆՅՈՒԹ. Արման Ծառուկյանը հաղթել է Չարլզ Օլիվեյրային UFC 300 մրցաշարում
Խառը մենամարտերի թեթեւ քաշային կարգում UFC դասակարգման չորրորդ համար Արման Ծառուկյանը (Հայաստան) Լաս Վեգասում անցկացված UFC 300 մրցաշարում հաղթեց (28-29, 29-28, 29-28) դասակարգման առաջին համար, բրազիլացի Չարլզ Օլիվեյրային։
Առաջին ռաունդից հետո Արման Ծառուկյանը երկրորդ եւ երրորդ ռաունդներում ուներ առավելություն եւ հաղթեց մրցավարների ոչ միաձայն որոշմամբ։
Արման Ծառուկյանը դարձավ չեմպիոնի հավակնորդ եւ մենամարտ կանցկացնի այս քաշային կարգում UFC չեմպիոն, ռուսաստանցի Իսլամ Մախաչեւի հետ։
Ծառուկյանը խառը մենամարտերում անցկացրել է 25 մենամարտ, տարել 22 հաղթանակ, կրել 3 պարտություն։ Օլիվեյրան տարել է 34 հաղթանակ, կրել 10 պարտություն։
