Այսօր արևի խավարում տեղի կունենա
Այսօր՝ ապրիլի 8-ին, տեղի կունենա արևի խավարում, որը կտևի ավելի քան հինգ ժամ։ Այս մասին ՏԱՍՍ-ին հայտնել են Մոսկվայի պլանետարիումի մամուլի ծառայությունից։
Ամենաերկար փուլը, որի ընթացքում Լուսինը կծածկի Արեգակը, կտեսնեն Մեքսիկայի հյուսիսում։ Այնտեղ կդիտվի խավարման ամենամեծ փուլը, ընդհանուր փուլի տևողությունը կլինի՝ 4 րոպե 28 վայրկյան։
Ինչպես ասվում է պլանետարիումի հաղորդագրության մեջ, Արեգակի ամբողջական խավարումը ուղեկցվում է արևի մասնակի խավարմամբ, որը կարելի է տեսնել ամբողջական խավարման շերտի երկու կողմերում, որտեղ ընկնում է լուսնի կիսախավարը:
Ամբողջական փուլը տեսանելի կլինի նաև Հյուսիսային Ամերիկայի տարածքներից, Խաղաղ և Ատլանտյան օվկիանոսների որոշ կղզիներից։ Ռուսաստանում այս խավարումը չի դիտվի։ Արեգակի այսօրվա խավարումը Հայաստանից ևս չի երևա։
