Ուկրաինայի նախագահ Վլադիմիր Զելենսկին կարծում է, որ Ուկրաինայում օտարերկրյա զինվորականները կարող են մարզել ուկրաինացի զինվորականներին, ինչպես նաև օգնել ռազմական տեխնիկայի վերանորոգմանը։ Այս մասին գրում է interfax.com.ua կայքը:

«Ես հրապարակայնորեն և զրույցներում պաշտպանել եմ Էմանուել Մակրոնի մի քանի առաջարկ: Մարզել մեր տղաներին այստեղ (Ուկրաինայում): Կարծում եմ, սա շատ ավելի արագ է, քան մեր տղաներին, բրիգադներին արտասահման ուղարկելը», - ասել է Զելենսկին:

Զելենսկին կողմ է նաև տեխնիկայի վերանորոգման հանգույցների կառուցմանն Ուկրաինայում. խոսքը որոշ մարզերում արևմտյան բոլոր սարքավորումները վերանորոգելու ստորգետնյա հանգույցների մասին է:

Զելենսկին նաև պատճառ չի տեսնում սահմանային առաքելությունից հրաժարվելու համար։

«Նա (Մակրոնը) առաջարկել է սահմանին լինելու նախաձեռնություն, դե ինչպե՞ս կարող ենք հրաժարվել, եթե առաջարկեն ու գան, մենք միայն կաջակցենք»,- նշել է նա։

Ընդ որում, Զելենսկին պատրաստ չէ մարտական ստորաբաժանումներ հրավիրել Ուկրաինա։

«Այսօր ես չեմ կարող հրապարակայնորեն ասել՝ այո, աշխարհի բանակներ, եկեք Ուկրաինա և կռվեք, քանի որ Ռուսաստանն աժիոտաժ կբարձրացնի աշխարհում, նրանք կսկսեն քարոզել այլ պետությունների հասարակություններին, որ դուք չեք կարող ուղարկել ձեր երեխաներին պատերազմելու, որ դա նրանց պատերազմը չէ, կսկսի պառակտել եվրոպական երկրների և ՆԱՏՕ-ի երկրների միասնությունը։ Սա ռիսկային է մեզ համար, քանի որ եթե ես հանդես գամ նման նախաձեռնությամբ, ապա Ռուսաստանն ամեն ինչ կանի այլ պետությունների ռազմական օգնությունը դադարեցնելու համար»,- ասել է Զելենսկին։

Միևնույն ժամանակ նա հիշեցրել է, որ «մենք ունենք որոշ կամավորական կազմավորումներ, երբ գալիս են այլ ծագումով, այլ քաղաքացիություն ունեցող մարդիկ և պայքարում Ուկրաինայի համար։

«Ուկրաինան դեմ չի լինի, եթե որևէ մեկը ցանկանա օգնել», - եզրափակել է նա։