Ռուսաստանը արգելված գազ է օգտագործում ուկրաինացի զինվորականների դեմ. The Telegraph

Ռուսաստանը արգելված գազ է օգտագործում ուկրաինացի զինվորականների դեմ: Այս մասին հայտնում է The Telegraph-ը:

The Telegraph-ը զրուցել է ճակատային գծի երկայնքով տեղակայված ուկրաինացի զինվորների հետ, ովքեր մանրամասնել են, թե ինչպես են Ռուսաստանի զինված ուժերը գրեթե ամեն օր անօդաչու թռչող սարքերից արցունքաբեր գազ նետում, որը հայտնի է որպես CS կամ «Lilac» անվամբ: Պատերազմի ժամանակ այս գազի օգտագործումն արգելված է Քիմիական զենքի մասին կոնվենցիայով։

Թեև CS գազը մահացու չէ, այն խուճապ է առաջացնում, որը կարող է ստիպել զինվորներին փախչել իրենց խրամատներից՝ նրանց խոցելի դարձնելով սովորական զենքերի նկատմամբ, ասվում է հրապարակման մեջ: