Նարեկ Սամսոնյանի՝ ԱՄՆ դեսպանին ուղղված նամակը դեսպանատանը չվերցրեցին. հայտնի է պատճառը
«Իմնեմնիմի» պոդքաստի վարող Նարեկ Սամսոնյանի՝ ԱՄՆ դեսպանին ուղղված բաց նամակն այսօր Սամսոնյանի թիմակիցները տարել էին ԱՄՆ դեսպանատուն՝ առձեռն հանձնելու ԱՄՆ դեսպանին։
Սակայն դեսպանատան աշխատակիցը ծրարը չվերցրեց՝ նշեկով, որ դեսպանատուն նամակ ուղարկելու կարգ կա, այն պետք է ուղարկել էլ. փոստի միջոցով։
«Ճիշտն ասած, ինձ համար զարմանալի էր։ Ինչևիցե, մենք ֆիքսում ենք, որ ցավոք չկարողացանք այն փոխանցել դեսպանատանը»,-ասաց լրագրող Դավիդ Ֆիդանյանը։
