Չինաստանի ռազմական հրամանատարության ներկայացուցիչները ՆԱՏՕ-ի պատվիրակության հետ բանակցություններում մտահոգություն են հայտնել Ասիա-խաղաղօվկիանոսյան տարածաշրջանում ՆԱՏՕ-ի գործունեության առաջխաղացման վերաբերյալ: Այս մասին հայտարարել է Չինաստանի Ժողովրդական Հանրապետության պաշտպանության նախարարության պաշտոնական ներկայացուցիչ Ու Ցյանը, փոխանցում է ՏԱՍՍ-ը։

«Չինաստանը մտահոգություն հայտնեց և հստակեցրեց իր դիրքորոշումը դեպի արևելք ՆԱՏՕ-ի ընդլայնման, Թայվանի հարցի վերաբերյալ», – ասել է Ու Ցիան ՆԱՏՕ-ի պատվիրակության հետ հանդիպմանը:

Հաղորդվում է, որ կողմերը պայմանավորվել են պահպանել հաղորդակցությունն ու երկխոսությունը:

Հանդիպման ընթացքում Չինաստանի և ՆԱՏՕ-ի ռազմական հրամանատարության ներկայացուցիչները մտքեր են փոխանակել միջազգային և տարածաշրջանային իրավիճակի, Չինաստանի և ՆԱՏՕ-ի միջև պաշտպանական փոխանակումների, ինչպես նաև փոխադարձ հետաքրքրություն ներկայացնող այլ հարցերի շուրջ, նշել է Ու Ցյանը։