Փորձում են ջրից դուրս բերել մոտ 20 մարդու․ մանրամասներ՝ ԱՄՆ-ում նավի բախման հետևանքով կամրջի փլուզումից

Փրկարարների խումբը փորձում է ջրից դուրս բերել մոտ 20 մարդու, որոնք կարող էին գետն ընկնել Բալթիմորում գտնվող Ֆրենսիս Սքոթ Քի կամրջի փլուզման պատճառով այն բանից հետո, երբ նավը բախվել էր դրան։ Այս մասին CNN-ին հայտնել են քաղաքի հրշեջ ծառայությունից։

«Ցավոք, ինչպես հասկանում ենք, Պատապսկո գետում կարող է գտնվել մինչև 20 մարդ, ինչպես նաև մի քանի ավտոմեքենա», - հայտնել են հրշեջները:

Ջրասուզակների խումբը որոնողափրկարարական աշխատանքներ է իրականացնում, սակայն եղանակային պայմանները ծայրահեղ անբարենպաստ են։

Հիշեցնենք՝ ավելի վաղ հայտնել էինք, որ ԱՄՆ Մերիլենդ նահանգի Բալթիմոր քաղաքում փլուզվել է Ֆրենսիս Սքոթ Քիի կամուրջը։ Փլուզումը տեղի է ունեցել, երբ նավը բախվել է կամրջին։ Այս մասին հայտնում են տեղի լրատվամիջոցները։ Երկու ուղղություններով երթևեկությունը փակ է:

Տեսախցիկը ֆիքսել է՝ ինչպես է նավը բախվում կամրջին և փլուզում այն։