Բելգորոդի վրա հարվածների ժամանակ դասախոսը վախից կոմայի մեջ է ընկել, ապա մահացել
Բելգորոդի Վ.Գ. Շուխովի անվան պետական տեխնոլոգիական համալսարանի դասախոս, 41-ամյա Իննա Լագուտինան, մարտի 15-ին քաղաքի վրա հրթիռային հարձակման ժամանակ, վախենալով երեք երեխաների կյանքի համար, կոմայի մեջ է ընկել և երեք օր անց, գիտակցության չգալով, մահացել։ Այս մասին հայտնում են համալսարանի մամուլի ծառայությունից։
«Իննա Սերգեևնան միշտ մեզ համար կլինի իր մասնագիտությանը անսահման նվիրվածության օրինակ, իսկական ընկեր, պատրաստ ցանկացած պահի օգնելու ոչ միայն խոսքերով», - նշվում է հաղորդագրությունում:
Մարտի 12-ից Բելգորոդի և Կուրսկի շրջանները ենթարկվում են անօդաչու սարքերի զանգվածային հարձակումների։ Մարտի 13-ին Ուկրաինայի զինված ուժերը հարձակվել են Բելգորոդի ԱԴԾ շենքի վրա։ Մարտի 14-ին ռուս ռազմական թղթակիցները հայտնել են ուկրաինական զինուժի կողմից ռուսական տարածք ներխուժելու հերթական փորձի մասին: Նրանք, մասնավորապես, գրել են, որ Բելգորոդի շրջանի Կոզինկի գյուղի տարածքում թեժ մարտեր են ընթանում։
Մարտի 15-ին շրջանի նահանգապետ Վյաչեսլավ Գլադկովը հայտնել է, որ ուկրաինական ուժերի հերթական հարձակման հետեւանքով չորս մարդ է տուժել։
Բելգորոդի մարզի առողջապահության նախարարության տվյալներով՝ մարտի 12-ից 18-ը ուկրաինական զինված ուժերի հրետակոծության հետեւանքով 11 մարդ է զոհվել, ավելի քան 80-ը՝ վիրավորվել։
