Վյուրցբուրգի համալսարանի գիտնականները տիեզերքում աշխատելու համար նախատեսված տիեզերահագուստներ և ռոբոտային սարքավորումներ են փորձարկում Հայաստանի տարածքում։ Այս մասին հայտնում է Bild թերթը։

Հայաստանի տեղագրությունը, ըստ գերմանացի հետազոտողների, նման է Մարսի տեղագրությանը, ինչի պատճառով գիտնականները որոշել են ռոբոտներ փորձարկել այնտեղ ապագա տիեզերական առաքելությունների համար, ասվում է հոդվածում։

Խոսքը Ադրբեջանի և Թուրքիայի հետ սահմանամերձ Արմաշ գյուղի մասին է, գիտնականներն այնտեղ կմնան մինչև ապրիլի սկիզբ։ Փորձը բաղկացած է հատուկ ռոբոտներից, որոնք սկանավորում են տարածքը և ստեղծում դրա եռաչափ քարտեզը։ Տիեզերական կոստյումները, որոնք նույնպես փորձարկում են գիտնականները, նախատեսված են մինչև մինուս 133 աստիճան ջերմաստիճանի համար:

Նախագծին մասնակցում է ավելի քան 200 գիտնական 26 երկրներից։ Վեց «անալոգային տիեզերագնացներ» կփորձարկեն սարքավորումներ՝ Մարսի վրա կյանքի հետքերը հայտնաբերելու համար, ինչպես նաև Հայաստանում ռոբոտներ կփորձարկեն, որոնք կստեղծեն տարածաշրջանի 3D քարտեզը, կվերցնեն հողի նմուշներ և կտեղափոխեն ծանր բեռներ։